Noor e Haq Jalwa Numa Tha Mujhe Ma'aloom Na Tha

Noor e Haq Jalwa Numa Tha Mujhe Ma'aloom Na Tha
Shakle insa'n main chupa tha mujhe ma'aloom na tha.

Barha jisne kaha tha Ana Bashar usne
Marra Aani bhi kaha tha mujhe ma'aloom na tha.

Bakriya'n jisne charai thi'n Halima teri
Arsh par wo hi gaya tha mujhe ma'aloom na tha.

Jisne ummat ke liye roke guzari ratai'n
Wohi Mehboobe Khuda tha mujhe ma'aloom na tha.

Chaand ishare se phata huqm se suraj lauta
Mazhare Zaate Khuda tha mujhe ma'aloom na tha.

Dekha jab qabr main us parda nashi'n ko to khula
Dile Salik main raha tha mujhe ma'aloom na tha.