Woh Banda e Khaas Khuda Ke Hai'n Aur Unki Saari Khudai Hai

Woh Banda e Khaas Khuda Ke Hai'n Aur Unki Saari Khudai Hai
Unhi ki pohu'nch hai Khaliq tak un tak khalkat ki rasai hai.

Woh Rab ke hai'n Rab Unka hai jo Unka hai woh Rab ka hai
Be Unke jo Haq se mila chahe dewana hai saudai hai.

Woh sakht ghari ALLAHU GHANI kehte hai'n NABI nafsi nafsi
Us waqt ek Rehmat Wale ko mujrim ummat yaad aai hai.

Ach-chu'n ka zamana sathi hai Mai'n bad hu'n mujhko niba ho Tum
Kehlake Tumhara jau'n kaha'n be bas ki kaha'n sunwai hai.

Aajao badan mai'n jaa'n ho kar aur dil mai'n raho Imaa'n ban kar
Hai jism tera ye jaan teri aur dil to khaas kamai hai.

Aankhu'n main hai'n lekin misle nazar you'n dil mai'n hai'n jaise jism main jaa'n
Hai'n mujhme wo lekin mujhse niha'n us shaan ki jalwa numai hai.

ALLAH ki marzi sab chahai'n ALLAH riza UNKI chahe
Hai jumbishe lab qanoone Khuda Qura'no khabar ki gawahi hai.

Malik hai'n khazana e Qudrat ke jo jisko chahai'n de daalai'n
Di Khuld janabe rabi'ae ko bigri lakhu'n ki banai hai.

Dunya ko mubarak ho Dunya ALLAH kare Woh mujhko mile
Har sar mai'n jinka sauda hai har dil jinka shedai hai.

Go sajda e sar hai Unko man'a lekin dilo jaa'n hai'n sajdah kuna'n
Hai huqme shariy'at sarpe rawa'n dil jaa'n ne mu'afi paai hai.

Woh kaba e sar hai ye Qibla dil Woh qibla e tan hai ye Ka'aba e jaa'n
Sar ispe jhuka dil unpe fida aur jaa'n Unki shedai hai.

Lakrhi ne kiya Unse shiqwa Ou'nto ne kiya Unko sajda
Hai'n Qibla e Haajat A'alam ke Salik kyu'n baat barhai hai.