Arshe Haq he musnade rif’at Rasoolullah ki

Arshe Haq he musnade rif’at Rasoolullah ki

Dekhni he Hashr me Izzat Rasoolullah ki

Qabr me lehrayenge ta Hashr chashme noor ke

Jalwah farma hogi jab tal’at Rasoolullah ki

Kaafiro Par Taighe Waala Se Giri Bakre Ghazab

Abr-Aasa Cha Gayi Haibat Rasoolullah Ki

Laa Wa Rabbil Arsh jisko jo mila Unse mila

Bat’ti he Kownain me ne’mat Rasoolullah ki

Wo Jahannam me gaya jo Unse mustaghni huwa

Hai Khaleelullah ko haajat Rasoolullah ki

Sooraj ulte paun palte chaand ishaare se ho chaak

Andhe Najdi dekhle Qudrat Rasoolullah ki

Tujhse aur Jannat se kya matlab wahabi door ho

Hum Rasoolullah ke Jannat Rasoolullah ki

Zikr Roke Fazal Kaate Naqs Ka Juya(n) Rahe

Phir Kahe Mardak Ke Hu Ummat Rasoolullah Ki

Najdi Usne Tujhko Mohlat Di Ki Iss Aalam Me Hai

Kaafiro Murtad Pe Rehmat Rasoolullah Ki

Hum bhikaari Wo Kareem, Unka Khudaa Unse fazoo

Aur naa kehna nahee Aadat Rasoolullah ki

Ahle Sunnat ka he bera paar Ashaabe Huzur

Najm he aur Nao'n hai Itrat Rasoolullah ki

Khaaq Ho Kar Ishq Me Aaram Se Sona Mila

Jaan Ki AkSeer Hai Ulfat Rasoolullah Ki

Toot jaenge gunahgaro'n ke fauran qaid-o-band

Hashr main khuljaegi Taaqat Rasoolullah ki

Ya Rab ik saa’at me dhul jaa-e siyahkaro ke jurm

Josh par aa jaaye ab Rehmat Rasoolullah ki

Hai Ghule Baaghe Qudus Rukhsaar E Zeba E Huzoor

Sarve Ghulzaar E Qadam Kaamat Rasoolullah Ki

Ae Raza khud Sahibe Quran hai mad’dahe Huzur

Tujhse kab mumkin he phir midhat Rasoolullah ki