Kuch Aisa Kar De Mere Kirdgaar Aankho Main Lyrics

Kuch Aisa karde Mere Kirdgaar Aankho Main Lyrics.

Kuch Aisa Kar de Mere Kirdgaar Aankho main
Hamesha Naqsh Rahe Roo-e-Yaar Aankho main.
Wo Noor De Mere Parwardigar Aankhon main
Ki Jalwagar Rahe Rukh Ki Bahaar Aankhon main.
Tumhaare Qadmo pe moti nisaar hone ko
Hain be shumaar meri Ashkbaar Aankho main.
Unhe na dekha to kis kaam ki hai ye Aankhe
Ke Dekhne ki he saari Bahaar Ankho main.
Nazar me Kaise samayenge phool Jannat ke
Ke bus chuke hai Madine ke Khaar Aankho main.
Ajab nahi ke likha Lauh ka Nazar Aaye
Jo Naqshe Paa ka laga’o Ghubaar Aankho main.
Khule hain deeda-e-Ushaaq Khwaabe marg me bhi
Ke Us Nigaar ka he intizaar Aankho main.
Wo Subz Subz Nazar Aa raha he Ghumbad-e-Subz
Qaraar Aa gaya yoo be Qaraar Aankho main.
Wahee mujhe Nazar aaye Jidhar Nigah Karu
Unhi Ka Jalwa rahe Aash kaar Aankho main.
Ye Dil Tarap Ke Kahee Aankho me Na Aajaye
Ke Phir Rahaa hai kisi ka Mazaar Aankho main.
Karam ye mujh pe kiya he mere tassawur ne
Ke Aaj khinch di Tasweer-e-Yaar Aankho main.
Farishto Poochte ho mujh se kis ki Ummat ho
Lo Dekh lo ye hai tasweer-e-Yaar Aankho main.
Ye Kya sawaal he mujh se ke kis ka banda he
Me jis ka banda hoo he Noor Baar Aankho main.
Piyaa he Jaam-e-Muhabbat jo Aap ne Noori
Hamesha Us ka rahega Khumaar Aankho main.