Sab se a'ala wa au'la hamara Nabi Lyrics.

Sab se aula wa aala hamara Nabi Lyrics.

Sab se a'ala wa au'la hamara Nabi
Sab se baala wa a'ala hamara Nabi.
Apne Moula ka pyara hamara Nabi
Dono aalam ka Dulha ha hamara Nabi.
Bazme Aakhir ka Sham'a faroza huwa
Noore awwal ka jalwa hamara Nabi.
Buj gayi jis ke aage sabhi mash’ale
Sham'a woh lekar aaya hamara Nabi.
Jis ke talwo'n ka dhowan he aabe Hayaat
Hai woh jaane Maseeha hamara Nabi.
Khalq se Awliya Awliya se Rusul
Aur Rasoolo'n se a'ala hamara Nabi.
Jaise sab ka Khuda ek he waise hi
In ka un ka thumhara hamara Nabi.
Kaun deta he dene ko muh chahiye
Dene waala he sacha hamara Nabi.
Kya khabar kitne taare khile chhup gaye
Par na doobe na dooba hamara Nabi.
Saare ooncho meh ooncha samajhye jise
Hai us oonche se ooncha hamara Nabi.
Ghum zadoh ko Raza mujda dije ke he
Be kaso'n ka sahara hamara Nabi.